24 noyabr 2008 24 noyabr 2008-ci il tarixində Konstitusiya Araşdırmaları Fondunun ofisində Azərbaycan Gənc Hüquqşünaslar Birliyinin də üzvü olduğu Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin Ümumi Yığıncağı keçirilmışdir. Ümumi Yığıncaqda Azərbaycan Gənc Hüquqşünaslar Birliyini təşkilatın Sədr müavini Natiq Nəsirov təmsil etmişdir. Ümumi Yığıncağın gündəliyində 4 məsələ qoyulmuşdu: 1. Afinada keçirilən Beynəlxalq Antikorrupsiya Konfransı barədə məlumat; 2. ACYF tərəfindən dəstəklənən Vahid layihənin icrasının müzakirəsi; 3. Şəbəkəyə üzvlərin qəbul edilməsi ilə bağlı yeni qaydaların ilkin müzakirəsi və 4. Cari məsələlər. Afinada keçirilən Beynəlxalq Antikorrupsiya Konfransı barədə məlumatı Şəbəkənin üzvü, Şəffaflıq-Azərbaycan Təşkilatının rəhbəri Rəna Səfərəliyeva və Vüqar Bayramov verdi. Onlar öz təəssüratlarını bölüşdükdən sonra yığıncaq iştirakçıları ilə müzakirələr aparıldı. Daha sonra gündəlikdə duran digər məsələlərlə bağlı müzakirələr aparıldı.